- 338 -

1388. Jan. 22. Nimptsch.

Herzog Ludwig, Herr zu Brieg, ertheilt dem Rath und der Gemeinde von Liegnitz eine Ehrenerklärung.

Wir Ludwig von gots gnaden herczog in Slezien vnd herre czum Brege bekennen vnd tun kunt offenlich in desem briffe allen erbern lewten, dy en sehen adir horen lezen, daz wir vor wor dirfarn haben von erbern leutin, den wir wol glowben, daz Pauwil Schoneione in den rat czu Breslow, czur Nyse, czur Sweidnicz, czum Brege, vnd ouch yn rat vil andir stete hy ym lande briffe gesand had, vnd obir al in den selben steten briffe gestrouwet had, in den selbin briffen her di erbern ratmanne zu Legnicz beschuldiget, wy daz sy vorreter seyn err erbherren, vnd ouch ander bosir sachen, do her en vnrecht an tud, vnd sy boslich belewget, vnd wir wol wissen, daz sy daz nicht habin getan, wenne sy ern herren alle czeit in der warheit getruwe vnd gewer seyn, sundir wez en dy seibin ratmanne myt der ganczen gemeyne der stat Legnicz beschuldigen adir beschuldiget haben, dez sey wir von en vndirweist, daz daz allzo ist vnd en dez wol glowben, betten wir alle erber leute begerlich myt fleisse, ab dy selbin burger vnd ratmannen in den sachen euwir ichtis bedorffen, adir ichtis an uch muten, daz ir en dez rechtin beylegit vnd en gonst, vorderunge vnd guten willen dorynne beweyst vnd beczeuget, alz wir alle czeit gerne kegen eyner iczlichen erbern stat vnd kegin allen erbern leutin tun wellen in eym sulchen, adir eyn eyme grossem, wenne adir wo sy des von vns begern. Gegebin czu Nympcz an sente Vincencij tage dez heiligen bysschofs vnd merterers, nach gots geburt dryczenhundirt jor ym achten vnd achczigsten jare.
Auf Papier, mit aufgedrucktem Siegel.
Fast wörtlich übereinstimmende Erklärungen von Herzog Ruprecht: gegeben czu Legnicz an dem achten tage des heiligen lychnams (Juni 4.); von Herzog Boleslaw: Gegeben czu Othmuchau an sente Vinczencyy tage mit wohlerhaltenem Siegel von rother Tinctur und von Herzog Heinrich: Gegeben czu Othmuchau, am suntage noch Vincency.

O. d. St. L. No. 165—168.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866